Acerca de
Vo Aafang aa...
Üsa chlii Bär, dr Uorsin isch am 21.12.20 uf'd Welt cho. Abgseh vonera actionriicha Geburt, wo vor allem s'Mami fescht an ihri Grenza brocht het, isch es denn am viertel ab siebni am Obet sowit gsi: dr schönscht Moment in üsem Läba! Nochera wunderschöna Schwangerschaft isch das Wunder sichtbar worda und endlich in üsna Ärm gläga. Dr Uorsin isch do. Er isch uf dr erscht Blick kerngsund gsi, uh aktiv und eifach zum Fressa süass. ❤
Am nögschta Morga denn bim Routine-Check hät's uf eimol gheissa, dass mit da Auga vo üsem chliina Schatz öpis nid stimmt. Ab däm Moment het sich üsi Welt uf da Chopf gstellt. Angscht het sich breit gmacht, ganz viel Frogezeicha sind uftaucht. Und au ganz viel Hoffnig. Das wird doch nüt "Schlimms" sii?
Trüab statt schwarz.
Noch unzähliga Untersüach, Punktiariga, Bluatentnahma, Ultraschall vo Hirn und Auga, Kontrolla bi Spezialischta us Graubünda und Sankt Galla het mr schlussentlich gseh, dass üses Chind mit Grauem Star (Cataract) uf'd Welt cho isch.
Für ihn
isch es ganz normal,
für üs isch es
schwär z'begriiffa.
Für mi, sis Mami, isch das en riesa Schock und en Stich ins Herz gsi. Mr will doch nur s'Bescht für sis Chind, mr got nid davoo us, dass öpis nid ganz in Ordnig chan sii. Mr plant 9 Mönet öpis anders.
Vieles hät da Chlii und miar erläbt, miar sind uf guatem Weg und sind zuaversichtlich. Üsa Chlii isch perfekt und miar sind glügglich, dass er so isch wia er isch. Denn üsa Schatz isch so und nid andersch.
